叱咤樂壇流行榜2023丨洪嘉豪爆汗仍堅持穿冷衫有原因 MC任嘉豪陳蕾紅館騷嘉賓？
發布時間： 2023/11/02 21:08
最後更新： 2024/01/10 13:59
▲ 陳蕾、洪嘉豪、張天賦（MC）一同接受訪問。
由商業電台主辦的樂壇年度盛事《2023年度叱咤樂壇流行榜頒獎典禮》記者會於昨天（11月2日）在東涌昂坪市集舉行，MIRROR、ERROR、COLLAR、Lolly Talk、P1X3L、許廷鏗、陳蕾、林家謙、張天賦（MC）、陳柏宇、洪嘉豪、炎明熹等多位歌手先後到場，非常熱鬧！
「華納三寶」陳蕾、洪嘉豪、張天賦（MC）一同接受訪問，歡樂度十足！
叱咤樂壇流行榜2023丨欣宜為許廷鏗復出拍MV成焦點 Alfred透露Joyce近況：精神係澎湃！【有片】
洪嘉豪解構毛毛Look
MC因感炎熱而把牛仔褸脫去，上身只穿背心的他與身穿毛毛上衣的嘉豪，極大對比！
嘉豪稱：「有句金句，我今日聽咗好多次，Stylist變咗我經理人May姐，May姐今日不停同我講，時裝係冇季節之分，但我係否認，我上台前問可唔可以唔著，佢有少少唔開心，咁我呢啲係想帶開心畀人，所以唔可以咁做。」
陳蕾、MC指看到嘉豪的裝扮就感開心，嘉豪回應：「我係非常不開心。」
MC爆料：「佢其實問咗May姐幾次㗎喇，佢Keep咗上台之前又問。」嘉豪聲稱自己本來打算「除晒」，「不過May姐唔俾就算啦。」
嘉豪強調不覺得身穿毛毛造型是被「懲罰」：「我覺得件衫係好靚，但因為中秋都過咗喇，天氣應該會比較涼快，但今日天氣好好。」
陳蕾遊泰「零艷遇」
陳蕾早前到泰國旅行，她指自己在旅行期間未有艷遇。MC安慰她：「可能香港會啱啲囉。」
談到女歌手獎，她覺得更多人可聽到她的作品為更重要，並指現時也不太知道自己的歌曲播放量，又謂距離頒發禮尚有一段時間、會出現變數。
MC對歌曲獎不太有信心
MC在去年憑《小心地滑》奪「專業推介叱吒十大」第二位，他直言對今年獎項的信心「麻麻哋」，「對上一次派嗰首《與我無關》真係只係播咗一次，可能首歌真係唔係咁好聽啦，我唯有繼續努力。」
MC任嘉豪陳蕾紅館騷嘉賓？
陳蕾、嘉豪將分別於紅館開騷，問到MC會否想成為嘉賓，他說：「要睇下佢哋邀唔邀請我。」
陳蕾指尚未討論演唱會嘉賓的部份，「我哋已經成日3個一齊出現，升你哋上嚟，我驚都已經唔再驚喜，我都會想我一生第一個紅館騷，好希望你哋可以做觀眾去欣賞。」
嘉豪則謂：「唔排除有嘅，你估我未必請時，又真係升佢上嚟，嗰下先至驚喜。」
最新影片推介：鄭子誠劉倩怡專訪
精彩獎賞活動等您發掘：https://bit.ly/3ClEy1R
